शैक्षिक संस्था

वि.सं. २०७६ फागुनबाट पोखरा स्वास्थ्य विज्ञान प्रतिष्ठानले शैक्षिक कार्यक्रमहरु सुरु गरेको हो । स्नातकोत्तर तहमा शल्यचिकित्सा, मेडिसिन, बालस्वास्थ्य, स्त्री तथा प्रसुतिरोग, हाडजोर्नी र एनेस्थेसिया गरी ६ विद्याका १७ जना विद्यार्थीबाट अध्ययन—अध्यापन सुरुवात भएको हो । प्रतिष्ठानले दोस्रो शैक्षिक सत्रमा अघिल्ला शैक्षिक सत्रमा सञ्चालित ६ कार्यक्रमका साथै रेडियोलोजी गरी ७ वटा विद्याका २६ जना विद्यार्थी अध्ययन थाल्यो । अहिले प्रतिष्ठानमा शल्यचिकित्सा, मेडिसिन,बालस्वास्थ्य, स्त्री तथा प्रसुतिरोग, हाडजोर्नी, एनेस्थेसिया र रेडियोलोजी नाक कान घाँटी तथा प्याथोलोजी गरी तीन शैक्षिक सत्रमा ७६ जना आवासीय विद्यार्थी अध्ययनरत छन् । आगामी वर्ष बीएस्सी नर्सिबको अध्यापन कार्य सुरु गर्न पूर्वाधारहरु निर्माण सम्पन्न भइसकेको छ । वि.सं. २०८० सालको अन्त्यसम्म एमबीबीएस कार्यक्रम सञ्चालन गर्ने गरी पूर्वाधार निर्माण गर्न प्रतिष्ठान लागि परेको छ । साथै निकट भविष्यमा स्वास्थ्यसँग सम्बन्धित अन्य शैक्षिक कार्यक्रम सञ्चालन गर्ने लक्ष्य लिएको छ ।